nu bai ti ponta-l mundu
pa nu purgunta Nhôr-Dês
kantu tempu faltanu
Dipos nu bai na rubêra filisidadi
intchi nos condison
ku si benson
pa tempu ki restanu
Nu ta pasa pa undi vida spadja txoru
pa-n mostrou ma num ligria ka poku
tudu forsa ku mesti sta dentu-l bô
ma bu ka tem ki aguenta tudu bo sô
Bai ku mi ti porta morti
pô djudam lembra-l
ma inda nos ora ka txiga
sa faltanu mas um dia
Pegam na mô nu bai
Ti la sim la
La undi ki distinu
ta chinta pa papia ku sorti
sta-m ma si nu djunta ku ês
nu ta ingana morti
Bem nu bai na garupa ventu
na meiu sabura ku tribulason
di hoji ti dia di nos bedjisa
di li pa nos disgrasa
C.D.
Nenhum comentário:
Postar um comentário